Ky është Kreshnik Çerçizaj, 41-vjeçari që u qëllua për vdekje me dy plumba në kokë në lokalin në Athinë.
41-vjeçari, me precedent të ndryshëm penal, humbi jetën në vendngjarje. Në fotot e publikuara nga mediat greke ai shihet në dyshemenë e lokalit gjysmë i zhveshur në një pellg me gjak.
Kreshnik Çerçizaj ishte në tavolinë së bashku me shqiptarin Armando Ogranaja, i cili gjithashtu nuk arriti që t’u mbijetojë plagëve të marra.
44-vjeçari i cili u qëllua në gjoks dhe stomak, u dërgua në spital por nuk arriti t’i mbijetojë plagëve të marra.
Atentatori hyri në ambientet e lokalit i veshur me të zeza dhe me fytyrën e mbuluar me maskë kirurgjikale dhe ekzekutoi dy shqiptarët.
Momenti i tmerrshëm është filmuar nga kamerat e sigurisë, teksa klientët e panikosur vrapojnë të shpëtojnë pas të shtënave me armë.
Një 31-vjeçare greke mbeti gjithashtu e plagosur por ndodhet jashtë rrezikut për jetën. Autori i krimit dyshohet se kishte një bashkëpunëtor që e priste jashtë ambienteve të lokalit.
